- წალენჯიხის მუნიციპალიტეტის მერიის ინფორმაციით, “სოფლის მხარდაჭერის პროგრამის” ფარგლებში, ადმინისტრაციულ ერთეულებში სხვადასხვა სახის სამუშაოები აქტიურად გრძელდება.
პროგრამის ფარგლებში მიქავას ადმინისტრაციული ერთეულის ლეღვინჯილეს უბნის გზაზე ბეტონის საფარის მოწყობის სამუშაოები, ჯვარში, კერძოდ ახალშენის ქუჩაზე კი სანიაღვრე არხების მოწყობის სამუშაოები მიმდინარეობს.
სოფლის მხარდაჭერის პროგრამა ითვალისწინებს: სასმელი წყლის სისტემების, სანიაღვრე არხების, ნაპირსამაგრი სამუშაოების, შიდა გზების, ცხაურების, გარე განათებების, წისქვილების რეაბილიტაციას, სასაფლაოებისა და მოსაცდელების მშენებლობას და სხვა სახის სამუშაოებს.