- საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, დაავადებათა კონტროლისა და საზოგადოებრივი ჯანმრთელობის ეროვნული ცენტრის ორგანიზებითა და წალენჯიხის მუნიციპალიტეტის მერიის მხარდაჭერით, ქალაქ წალენჯიხაში, 9 ნოემბერს, 11:00 საათზე,სკრინინგ აქცია ჩატარდება.
მოქალაქეებს შესაძლებლობა ექნებათ უფასოდ ჩაიტარონ:
* ძუძუს კიბოს სკრინინგი 40-70 წლის ჩათვლით ქალებისთვის;
* საშვილოსნოს ყელის კიბოს სკრინინგი 25-60 წლის ჩათვლით ქალებისთვის;
* მსხვილი ნაწლავის კიბოს სკრინინგი 50-70 წლის ჩათვლით ქალებისა და მამაკაცებისთვის;
* პროსტატის კიბოს სკრინინგი 50-70 წლის ჩათვლით მამაკაცებისთვის;
კვლევები მოიცავს ასევე B და C ჰეპატიტების, აივ ინფექცია/შიდსის სკრინინგს.
გამოკვლევები, ქალაქ წალენჯიხაში, ჭურღულიას ქუჩა N5, “საქართველოს კლინიკები”-ს, წალენჯიხის კლინიკაში ჩატარდება.